Кыргыз-Өзбек Эл аралык университетинин окутуучулары 3D анатомия боюнча атайын курстан өтүштү
Кыргыз-Өзбек Эл аралык университетинин Эл аралык медицина факультетинин жана Медицина колледжинин окутуучулары “Пирогов” деп аталган 3D интерактивдүү анатомиялык аппаратты колдонууну үйрөткөн курстан өтүштү. Атайын курс 17-сентябрдан 24-сентябрга чейин уланып, 72 саат көлөмдө өтүлдү.
Сертификаттарды тапшыруу аземине КӨЭАУнун окуу иштери боюнча проректору, профессор Аида Балтабаева жана “Пирогов” комплексинин Кыргызстандагы өкүлү Сергей Юрченко катышты.Профессор Аида Балтабаева окутуучуларга курсту ийгиликтүү аяктаганы менен куттуктап, бул жаңы технологиялар медицина багытындагы адистердин билим сапатын жогорулатууга чоң салым кошорун белгиледи.
Окутуучулар “Пирогов” 3D аппаратынын жардамы менен студенттерге адам организминин түзүлүшүн даана жана терең окутуп үйрөтүүгө жеңил болорун айтышты.Эскерте кетсек, КӨЭАУнун жетекчилиги медициналык билим берүүнү заманбап технологиялар менен жабдууга жана жогорку сапаттагы адистерди даярдоого өзгөчө көңүл бурууда.
Коммуникация жана медиа департаменти
